1.12.23
Campaña de colaboración coa Protectora Os Biosbardos
A partir do luns 4 de decembro, libros expurgados da biblioteca estarán a disposición do alumnado para que poidan levalos a cambio dalgún produto para a Protectora de animais Os Biosbardos, para colaborar na súa inmensa labor voluntaria en prol dos cans, cadelas, gatos e gatas en espera dunha familia de adopción.
Moitísimas grazas pola vosa colaboración. Xuntos facemos comunidade.
22.11.23
.jpg)
COIDANDO O PLANETA CON IGREXIÑO. AXENDA 2030. ODS
Asi están de decoradas algunhas das portas do colexio en relación co proxecto deste curso. Xa nos están chegando algúns traballos das familias para a exposición da entrada do cole. Moitas grazas pola vosa colaboración.
UNHA BIBLIOTECA ESCOLAR EN VIÑETAS
Este é o cartel das bibiliotecas escolares de Galicia para este curso 2023/2024, baixo o lema UNHA BIBLIOTECA ESCOLAR EN VIÑETAS feito por Jorge Campos. Temos na biblioteca algúns dos seus libros se queredes desfrutar da súa ilustración.
5.11.23
SAMAÍN
Demos un agasallo a todos os participantes no concurso de vídeos. Moitas grazas familias pola vosa participación. Vimos todos os vídeos todos xuntos na biblioteca.
Ademais escoitamos os contos gañadores do concurso de relatos de Samaín no que participaron todos os alumnos e alumnas do colexio. Neste caso demos un premio por clase. Os alumnos de 6º foron os encargados de dar os nomes dos gañadores e gañadoras.
No recreo e grazas a inmensa colaboración das familias tivemos unha terrorífica merendola no comedor do colexio todos xuntos e ao ritmo da música elexida para a data.
Agradecer tamén ás familias a súa colaboración na elaboración das cabazas. Grazas,
Por último amosámosvos unha pequena escolma de libros moi axeitados para estas datas. Temos moitos máis na nosa biblioteca. Pasádevos!
Subscribirse a:
Publicacións (Atom)