venres, decembro 20, 2013

DINOSAURIOS NO COLE

O Xoves 19 de decembro o noso centro disfrutou coa exposición do IFEVI  " O DÍA DOS DINOSAURIOS"




martes, decembro 17, 2013

VISITA DO ESCRITOR XURXO VALCÁRCEL

O venres 13 de decembro recibimos a visita do escritor Xurxo Valcárcel. Con él disfrutamos coa presentación da figura do APALPADOR e co entorno no que vive, as montañas do Caurel.

mércores, decembro 04, 2013

Tarea-web 3: Os clásicos en nadal

Nesta nova tarea-web descubriremos novos autores de contos clásicos e outros que xa coñecíamos. Traballaremos tamén con compositores clásicos e aprenderemos a facer unha ficha dunha película. Non esperedes máis e comezade a investigar sobre os novos autores.

Clicade na imaxe para ir ao recurso:

http://patriflauta.wix.com/nadal

luns, decembro 02, 2013

Con decembro chega... O Apalpador

Benvidos a un novo mes e con el a novas actividades!!! Este mes dende a biblioteca pretendemos facer diferentes actividades sobre a figura do Apalpador. Pala elo imos utilizar un LIM feito por Amelia Lago e Patricia Román sobre un poema de Xurxo Valcárcel.

Durante este mes haberá algunha sorpresa máis relacionada co apalpador, así que estade moi atentos. Mentres tanto disfrutade deste magnífico poema e das actividades relacionadas.


domingo, decembro 01, 2013

Carapuchiña Vermella

Durante todo este mes no colexio estivemos traballando sobre Carapuchiña Vermella e entre todos e todas fixemos un conto colectivo. Que ben o pasamos!!! Pintamos todas as escenas e todos os personaxes do conto, despois gravamos a nosa versión do conto e por último fixemos unha montaxe con música e todo. Espero que vos guste moito a nosa adaptación deste conto que dende ben pequeniños escoitamos tanto aos nosos pais e nais coma neste caso no cole. Escoitade con atención o resultado final...


xoves, novembro 14, 2013

LIM para traballar o magosto

Deixo algúns enlaces sobre o magosto, xa que estamos de celebración no noso cole.  Este traballo está feito pola compañeira Ana Martínez Rey. Clicade na imaxe para acceder a eles:

http://dl.dropboxusercontent.com/u/14722558/ACASTANA/castana.html

ç
http://dl.dropboxusercontent.com/u/14722558/MAGOSTO/magosto.html

mércores, outubro 30, 2013

Exposición de libros de medo!! Chegou o Samaín!!

Na biblioteca teremos durante estas semanas a exposición de libros de medo!!. Ademáis traballaremos en concreto a o escritor de contos clásicos Charles Perrault e as diferentes versións de Carapuchiña Vermella. A pasar moito medo!!!













Día das bibliotecas escolares, 24 de outubro

Xunto co resto das bibliotecas escolares, fixemos unha lectura colectiva do marabilloso conto "365 pinguinos" de Jean-Luc Fromental. Non podíamos deixar de pensar en pinguíns!!! Que divertido, encantounos a actividade!!!





xoves, outubro 24, 2013

2ª tarea-web: Charles Perrault

Por mor do 385 aniversario do nacemento do autor Charles Perrault e relacionado cos contos clásicos e co Samaín imos a traballar este autor na 2ª tarea-web. Neste caso temos que pescudar sobre este autor e sobre o libro Carapuchiña Vermella. Que terá que ver este libro co Samaín? Pronto o descubriredes. Non perdamos máis tempo e...mans a obra!!!!

Clica na imaxe para acceder ao recurso!!!


Feliz día das bibliotecas escolares

Hoxe é o día das bibliotecas escolares. No noso cole, xunto co resto dos coles e bibliotecas do Concello de Redondela ímos celebralo facendo unha lectura sobre o conto "365 pingüínos" do autor Jean-Luc Fromental. Faremos moitas actividades na biblioteca. A gozar dunha boa lectura!!!



Fotos da 1º tarea web Hans Christian Andersen

E aquí temos o tan esperado resultado da 1ª tarea-web do autor Hans Christian Andersen. Un verdadeiro pracer poder traballar así. Noraboa nenos e nenas!!!! 1ª tarea-web Hans Christian Andersen on PhotoPeach

mércores, outubro 23, 2013

Os contos clásicos

Ola nen@s!!

esta vez póñome en contacto con vos para presentarvos o vídeo dos "Contos clásicos de Igrexiño", feito polos pais e nais do colexio e montado e narrado polos alumnos e alumnas de 5º e 6º. Noraboa a tod@s!!! Un gran traballo!!!


martes, outubro 15, 2013

Recursos para Samaín

Deixo un enlace dun Symbaloo feito por Patricia Pena Brbeito do seu blog http://patripenalogopeda.blogspot.com . Recurso onde podemos atopar moitos xogos e ideas para Samaín.

Clicade na imaxe para acceder a el


martes, setembro 24, 2013

TAREA-WEB: HANS CHRISTIAN ANDERSEN

Esta semana propoñemos dende a biblioteca unha tarea-web para pescudar sobre o escritor Hans Christian Andersen. Grazas a ela aprenderemos máis e máis sousas sobre este gran escritor. Seguide as instruccións para traballar sobre elo.Clicade na imaxe para acceder á tarea web:





xoves, setembro 12, 2013

NOVAS; NOVAS!!!!

Comezamos o curso falando de novidades lectoras. En esta ocasión tócalle a quenda á música. Os últimos meses saíron ao mercado unha serie de novidades do máis apetecibles. Entre elas imos destacar algunha:

1- A nena e o grilo nun barquiño: Un libro que nos ofrece actividades, contos e moita música. Pronto comezaremos a escoitar a súa música polo cole!!! Ed: fol Déixovos un anticipo do disco:






 2- O segundo libro é sobre a obra de Camille Saint-Saëns: "O Carnaval dos animais". Un libro cd para poder escoitar a marabillosa música deste compositor ademais de gozar dunha boa lectura. Ed: Kalandraka




3- A última novidade ven da man de Migallas e teremos que esperar ata outubro. Este libro cd é o segundo do grupo que seguro que nos sorprende con esta nova entrega. Ed: Kalandraka

 Seguiremos informando das novidades que aparecerán polo cole. Ata outra e feliz lectura!!!

mércores, setembro 04, 2013

Benvidos a un novo curso!!!

Benvidos nenos e nenas a un novo curso cheíño de novidades. Este ano entre todos gozaremos de novas experiencias, coñeceremos a nov@s amig@s e como non cunha boa lectura!!! Desta vez vos deixo unha entrada cun vídeo recomendable para todo o mundo. Espero que vos guste tanto coma a min.


Os fantásticos libros voadores (Gañador dun oscar 2012)


xoves, maio 23, 2013

Día do Libro

Dende Ticdeplata* invitannos a percorrer dous excelentes "libros interactivos vivos" , disfrutando coas súas ilustracións en movemento

PREME NAS IMAXES