Xa empezaron a viaxar as nosas mochilas viaxeiras polas casas dos peques. Desfrutade en familia da selección de títulos e animádevos a participar na libreta viaxeira coas vosas ideas, plans ou debuxos sobre o proxecto de centro deste curso: "Coidando o planeta con Igrexiño", unha proposta en torno os Obxectivos de Desenvolvemento Sostible, a Axenda 2030, impulsada pola ONU.
Encantaranos recibir as vosas manualidades para facer unha exposición na entrada do cole para que todos os peques poidan aprender e desfrutar das mesmas. De seguro que tendes moito que dicir e propor. Grazas familias de antemán pola vosa colaboración. Xuntos facemos comunidade educativa.
